06 março 2006

CRIOL Ê BUSÓD

Cabo-verdiano ê um povo nimód. Smém pobre ma ligria en de felté'l. Tud hora el te sei que cada pirraça...
Enton, pa oiá quê realmente criol ê busód (xuxanti) te fcá registód alguns pirraça que te cuntcê quel ne dia-a-dia:

Es te contá que lá na ilha es prometê um senhor bon dnher se el pudesse dzê em 3 segund 3 palavra que te começá pe letra A. Enton el raciociná cum pressa el dzê: oçucra, orroz, orrlos...cuitód, fca sim dnher!
Algo parecid cuntcê que nhô filipe, omi lá de Djar Fogo. El incontrá ma um compatriota ne Sucupira, es po te falá de ses vida. Nhô Filipe voltá pa se interlocutor el dzêl: "a mim em teni Quato fiiidjo: - A, B, C e D. A di Anriqui, B di Bicenti, C di C(S)alomon e D di Djusê.
E esta eh...?

Conversa de namorados e ... tempos (verbais)
quem contá tava te passá ne sê caminho sosegód.. El uvi... ma pront, el ca tem culpa
Namorado: lembra ma bu ta flaba sempri ma bu ta amam
Namorada: A bo dja'n ca crebu mas
Namorado: poxa , ê ca bo qui ta flaba sempri ma mi era tudo pa bo?
Namorada: ah, si bem qui bu fla dretu: era, futuro, ja passou....

CARA DE PAU
Alguem cunquí na porta de Nha Joana. Nha Joana bé abri porta te corrê porque ês tinha cunquid tão fort...
Quónd el ébri porta el depará c'um Dona gorda e que presentá com cara mau: "e-m bem dzê bocê que quel catchôrr de bocê comem dois galinha
Nha Joana voltá ne descontra: "oh, muito obrigada pa ess aviso que bocê teve consideração de bem da-m. Assim hoje já-m ca ta precisá de preocupá em ranjá jantar pa nhe catchurrim

Ess foi ne soncent
Um gajo tava que falta d'uns trukin e el en sebia cmenê quel tava rengél. De repente el lembrá quel tava cum ocs (luneta) no bolso. Ma na verdade era apenas um ar, l'en dinha vidro. Enton el passá num broda que tava te bem nas calmas e el pedil pe comprél quel ocs. Ma como broda era espert el pdi pa oiá ocs e logo el oiá que era so ar. El mandá vendedor bé tocá lata.
Bem ot broda cum jet basofon, te espringá e tud. "broda compram ess ocs" - Dze vendedor. E broda respondê: "a mim em bem di Praia onti, em sta sabi na suncenti, ma li em ca ta cumpra cusa". Ma vendedor insisti: - "Exprimentá, depos bo te dcidi"
Enton broda tmá ocs el po no oi ma l'en dá conta se era so ar. El fcá content el dzê: "poxa es óculus ta fican claro. Nunca própi um odjaba oculus sima quel li. Em ta comprou el já.



Ot pirraça
Ne Soncent um pedrer foi tchmód pe costruí um ténk ne terraço dum casa. El Bé com tud sê conheciment el terminél ne cinc dia. Ma uquiê que cuntcê? Cónd el terminá de rebocá quel ténk el sei content te gavá de eficácia de se tróboi. Ma log el lembrá que quel tambor que servil de andaime tinha fcód la dent. Manera agora que el te trál dalá se ténk já te btód placa?

4 comentários:

Anónimo disse...

I find some information here.

Anónimo disse...

Hmm I love the idea behind this website, very unique.
»

Anónimo disse...

I'm impressed with your site, very nice graphics!
»

Anónimo disse...

bava ultimo piada e meu ha ha ha nome de quel pedrer e nho zêk.grande figura